گیت : اے مری زندگی اے مری زندگی

اے مری زندگی اے مری زندگی

تو کسی اور کی ہو نہ جانا کبھی

اے مری زندگی اے مری زندگی

دھڑکنوں میں مری بس تیرا نام ہے

تو ہی صبح مری تو مری شام ہے

تو ہی آغاز ہے تو ہی انجام ہے

تو ملی تو مجھے مل گئی ہر خوشی

اے مری زندگی اے مری زندگی

تو کسی اور کی ہو نہ جانا کبھی

بِن ترے جسم میرا یہ کس کام کا

جیسے میکش بِنا حال ہو جام کا

جیسے رادھا بِنا نام ہو شیام کا

تو تصوّر میرا تو مری شاعری

اے مری زندگی اے مری زندگی

تو کسی اور کی ہو نہ جانا کبھی

تجھ سے بچھڑے تو پھر ہم کدھر جائیں گے

اس جہاں کے اندھیروں میں کھو جائیں گے

یہ زمانہ ہنسے گا جدھر جائیں گے

میرا جو کچھ ہے سوغات ہے سب تیری

اے مری زندگی اے مری زندگی

تو کسی اور کی ہو نہ جانا کبھی

___________

 

Geet by Farhat Badayuni